Wir^a Fridreich von gots gnaden hertzog ze Osterreich¹ ze Steyr ze Kernden vnd ze Krain graue ze||
Tyrol etc. tun kunt, als vns von abgangs wegen weilent Vornandrin des Pheiffers der vierdtail des wiLdems ze Tal² gelegen mit seiner zugehorung ledig worden ist vnd veruallen, also haben wir zu lob vnd||
eren des almechtigen gots vnd der hochgelobten kunigin Marie seiner mueter vnd auch durch vnserr vordern vnser vnd vnserr nachchomen sel hail willen den egenanten vierdentayl des widems zu der pharrkirchen daselbs ze Tal geaigent vnd gegeben aygen vnd geben auch wissentleich mit dem brief, also daz den hinfur ewichleich ain yeder kircherr daselbs ze Tal gegenwurtiger vnd kunftiger rubichlich innhaben nutzen vnd niessen sol als ander der kirchen gut vnd als er das sunderleich, als wir vernomen haben, vor zeiten genossen vnd zu der kirchen gehort hat, an geuerde. Dauon emphelhen wir aim yegleichen vnserm vogt ze Rinegg³, der yetz ist oder kunftichlich wirdet, daz er den egenanten pharrer vnd die kirchen darbey von vnsern wegen vestiklich halt vnd schirme vnd nicht gestatt, daz in yemant an recht daran dreng oder bekumbre in dhain weg, wan wir das ernstlich also wellen. Mit vrkunt ditz briefs. Geben ze Rinuelden⁴ an phintztag nach sant Vlreichs tag nach Kristi geburde viertzehenhundert jar, darnach in dem aindleften jare.