Fridrich von gotes gnaden Roemischer Kunig zu allentzeiten Merer des Reichs, Hertzog ze Oesterreich ze Steir etc. Erbern weisen und lieben getrewen. Wir lassen ew wissen, daz wir uns worgen an lennger vertziechen hie erheben, und ain meil wegs von hinn ze veld slachen wellen, geschikht gen Odemburg und verrer wider die veind zeziechen. Davon so begern und pitten wir ew mit gantzem fleiss. Emphelhen ew auch ernstleich, daz Ir ewr volkh auch an lennger vertziechen auf morgen im veld bey uns habt, und ew des nichts sawmen noch irren lasset, wan wir uns des gantz zu ew verlassen. Daran tuet Ir uns ein guot gevallen und unser ernstliche maynung und wellen das auch gnediclich gen ew erkennen, und zu guot nicht vergessen. Geben zu der Newen-stat an Mittichen nach sand Margreten tag. Anno etc. quadragesimo quinto, unsers Reichs im Sechsten iar. Commissio domini Regis in cons(ilio).

Source Fulltext: Peter Peusquens