Ersamen wolweysen sunder Gunstig herren und furdrer Unser freuntlich dinst zu allertzeit bevor. Wir tuen ew zewissen, das Pangretz von sand Nicla ein grosse sambnung an menigern steteten hat, allenthalben, dadurch wir eylund mit warnung vergwisst sein, wie wol er auf dy Eyla als zugesicht sey geraist. So ist uns nemlich und ganntz zugesagt und zuenpoten, von leuten, dy uns guets gun-nen und den zeglauben ist, das dy sambnung alle sey auf uns. Er hat auch laittern und let der mer stets in haim machenn darumb wir doch ain ganntz zewissen haben mit den er uns mainet ze arbaiten suchen und beschedigen aber wir hoffen zugot solichs an uns nit geschech Dadurch wir doch tag und nachte an uns sein warten swerer besuchung, Der almechig got, uns mit seiner genadenn hilf bey stee und Rueffen auf solichs an eur fursichtichait lieb und trew uns beystentig sein, in unsern notturften wie sich daz begeb mit furderlicher hilf, furdrung und zuschuben nit zelassen, als ir dann vormaln habt getan, des wir ew zd zemal dannken, uns auch also zefraten chommen an verziehen in unsern ansuchungen das wir bewerlich emphinden, nit von euch, als von unsern herren und furdrern verlassen bleiben unser were er leib und leben mit eur hilf zeredten zu uns Gen und frumen unserm allergenedigsten fursten und naturlichen herren kunig Lasla und den lannden baydenthalben Auf daz an lengnuss guets willens verschribne anntburt. Geben zu Prespurg an Montag vor Divisionis Apostolorum Anno etc. xlquinto. Burgermaister Richter und Rate Der Stat zu Prespurg.

Source Fulltext: Peter Peusquens