Den Ersamen weisen und fuersichtigen .. dem Burgermaister, und dem Rate der Stat zu Wienn Embeut Ich Hanns Gevellêr anstat meinselbs und meiner geswistreyd, dafuer Ich mich gêntzlich annymb mein willig dinst, Ich lase ew wissen, das Ich das haus in sand Johannsstrass zenagst hern Hannsen des Sweinbartter haus gelegen, das uns von unserm lieben vater Hannsen Geveller seligen ist anerstorben und angeerbt, des Ir Gruntherr seyt, dem edeln vessten Ritter her Kunraten Eytzinger und seinen erben umb zwaintzig phunt phening nach lautt ains kaufbriefs zuchauffen geben hab, Bitt Ich an mein und meiner geswistreiden stat, ew mit gantzem vleiss, Ir wellet das egenant haws, dem benanten hern Kunraten Eytzinger und seinen erben vertigen und den kaufbrief mit ewerm Gruntinsigl bestêtten und besigeln. Daz wil Ich mitsambt meinen geswistreiden umb ew gern verdienn, wan Ich ew hiemit aufsend alle die gerechtigkait, so Ich und meine geswistreid an demselben haus haben, Mit urchund des briefs, Besigelt mit der edeln, Hannsen des Walich Anwalt in dem Rate der Stat zu Wienn und Casparn des Schifer Aufge-drukchten Insigeln, die Ich zugezeugnuess der sach mit vleiss darumb gepeten hab, In und Iren erben an schaden, darunder Ich mich und meine geswistreid verpinde, alles das stetzuhalten das vorgeschriben stet, wan Ich dietzeit mein aigen Insigel bey mir nicht gehabt hab. Geben an Eritag vor dem heiligen Phingstage, Anno domini etc. Tricesimo Nono.

Source Fulltext: Peter Peusquens