Wir Johanns von Gotes genaden abbt ze Lambach und der gants conventt daselbs bechennen offenleich an dem brief, das wir wolbedechtig mit veraintem rat und guetem willen mit unser handt und ganczer bestet rechtt und redleich verlihen haben unser obrew hueb zee Praytenschuczzing mit aller irer zuegehorung, gelegen in Swanser pharr, und gehort in unser gustrey, und verleihen auch die wissentleich mit kraft des gegenwurttigen briefs Ullreihen dem Fuchsen ze Praytenschuczzing, seiner hawsfrawn und all seinn eriben ze rechttem eribrechb mit allen den eren, rechten und nuczen, die von allter und durch recht darzue gehorntt, oder da von bechomen mugen, nichts ausgenomen ungeverleich, doch in solicher ausweisung, das sy uns und unserm gotshaws alle jar jerleich da von dienn und raihen sullen in unnser gustrey zu unser frawn tag ze der dienst zeit funf schilling zehen phening und zway huener, zu stewr drey schilling phening, ze weinachtten zwen ches und brot fur vier phening, ze ostern zwen ches und sechczikg ayr. Wir offen auch, das sy chainerlay wandlung haben da mit in chainerlay weis an unser handt und gueten willen, und schullen alles das da von leyden und dulden, daz annder unnsers gotzhauss eribler gein uns und unserm gotzhaus leydent und dulden unverczigen unnsers gotshawss rechten in allen sachen. Des ze urkunde geben wir in den brief besiglten mit unser und unsers conventts baider anhangunden innsigel, der gegeben ist nach Christ gebuerde vierczehen hunndert jare, und dar nach in dem zway und dreyssigistten jare an dem nagsten phincztag nach sand Grejorigen tage des heyligen lerer.