Ich Hanns chapplan in dem spital zw Everding bekenn offennlich mit dem brieff gen menikchlich, das mich der erbirdig geystleich in Got vater und herr her Hanns, abbt zw Lambach und sein conventt daselbs ausgericht, gewert und bezalt habent funff pfunt Wienner pfenning, der sy mir yecz zw unser frawntag zder dinstzeit schulldig gewesen sind. Derselbn obgenantten summ pfennig sag ich den vorgenanten meinen genadigen herren den abbt, seinn conventt und sein gotzhaus wissenttlichn mit dem brieff quitt, ledig und los. Mit urkund des brieffs verpetschad mit meinem aigen auffgedrukchtm petschad, gebn zw Everding am mantag vor Simonis und Jude anno domini millesimoquadringentesimovigesimosecundo.