Ich Ulreich Schaittelperger mitsambt mir Anna, mein hausfraw, und all unser baider erben bekennen offenleich mit dem brief, das wir recht und redleich verchauft und ze chauffen haben geben unser guet, genant in dem Pawngarten, gelegen in der Schaffwisen in Wellser pharr mit all den eren, nuczen und rechten, als es von alter herchomen ist, dem erbern man Kaspar dem Lechner burger ze Wells, seiner hausfrawn und all irn erben umb ain sum gelts, der uns woll genugt, und der wir gancz und gar von im gericht und beczalt sein zu rechten tagen an all scheden, und das geb wir dem ewirdigen und geistleichm herren hern Hansem dem Dachsperger, abbt zu Lambach, auf, und bitten ewr gnad, das ir im das also leicht. Des ze urchund geb wir ewern gnadn den offen brief, besigelt mit meinem aigen obgenanten Ulreich Schaittelperger aufgedrukchten insigell, darunder ich mich obgemelte Anna verpint mein mit meinen trewn alles das stett und war ze halten und volfuern, das an dem brief geschriben stet. Geben nach Christi gepurd vierczehenhundert jar darnach in dem zwayundzwainczigsten jar an der aindlefftausent maidtag.