Rudolffus quartus Dei gracia archidux Austrie Styrie et Karinthie dominus Carniole Marchie ac Portusnaonis comes in Habspurg Ferretis et Kyburg marchio Burgovie nec non lantgrafius Alsacie omnibus Christi fidelibus in perpetuum salutem in .salvatore omni cum noticia subscriptorum. Quociens triorum (priorum?) nostrorum laudabilia imitamur vestigia ac sincero voto pietatum suarum approbamus opera, laudum preconia ac virtutum titulos acquirimus nec non bonorum participes reddimur que per eos operata est clementia creatoris, presertim si per hoc locis deo dicatis et famulantibus sibi inibi paratur tranguillitas comodi et quietis. Accedentes igitur ad nostram presenciam religiosi in Christo fideles nostri devoti Chunradus abbas et Hainricus prior monasterii Kremsmunsterensis ordinis sancti Benedicti Pataviensis diocesis, suo conventus et dicti monasterii nomine nobis humiliter supplicarunt, quatenus privilegium ipsis indultum et concessum per recordacionis inclite dominum Leopoldum quondam nostrum predecessorem in dictis Austrie et Styrie ducatibus ac deinde processu temporum confirmatum et innovatum successive per dive memorie Fridericum romanorum regem Fridericum romanorum imperatorem Rudolffum romanorum regem nostrum avum et Fridericum romanorum regem nostrum patruum ratificare innovare et approbare de nostri principatus liberalitate solita dignaremur. Cujus quidem privilegii cum suis confirmacionibus tenor sequitur in hec verba: .... Nos Fridericus etc. vid. Bd. V, pag. 617, 1213 21. VIII., Bd. III, pag. 509, 1279 4. XI, pag. 98, 1241 18. II., pag. 76, 1240 24. I. Nos dictorum abbatis et prioris precibus favorabiliter inclinati prescriptum privilegium cum prenotatis suis confirmacionibus ratificamus innovamus et presentibus approbamus, volentes ut omnia et singula in eisdem contenta maneant perpetuo in suo robore et vigore. Idcirco universis et singulis nostris et terrarum nostrarum comitibus baronibus ministerialibus capitaneis judicibus mutariis theloneatoribus ceterisque nostris officiatis presentibus et futuris ac servitoribus nostris et subditis quibuscunque censeantur nominibus sub obtentu nostre gracie precipmus et mandamus quatenus dicti monasterii fratres prenotato privilegio et hac nostra innovacione approbacione et ratificacione libere sine contradictione et impedimento quibus libet gaudere permittant, sicut divinam ulcionem et gravem nostram indignacionem voluerint evitare. Testes hujus rei sunt reverendi in Christo domini Gotfridus Pataviensis Paulus Frizingensis frater Petrus Marcopolensis ecclesiarum episcopi, Johannes Medlicensis Clemens Scotorum Wienne monasteriorum abbates ordinis sancti Benedicti Pataviensis diocesis, magister Matheus de Esculo prior generalis fratrum Heremitarum ordinis sancti Augustini et viginti tres in sacra scriptura magistri ejusdem ordinis, Meinchardus de Goricia palatinus Karinthie Ulricus de Schownberg consangwinei nostri, Berchtoldus de Maidburga Ulricus de Cilia comites, Stephanus de Meissow marscalcus Haydenricus de Meissow pincerna, Albertus de Pu^echheim dapifer Petrus de Eberstorf camerarius Wilhelmus de Kreispach magister venatorum Eberhardus de Walsse de Lintza Fridericus de Walsse de Styria Leutoldus de Stadekk marscalcus provincialis Austrie Johannes de Traun capitaneus super Anaso Heinricus de Rappach magister curie nostre Wilhelmus pincerna de Liebenberg dispensator noster et plures alii fide digni. Et in premissorum testimonium perpetuum atque robur sigillum nostrum ducale pendi fecimus ad presentes. Datum et actum Wienne in vigilia diei sancte pentecostes anno domini millesimo trecentesimo sexagesimo secundo etatis nostre vicesimo tercio regiminis vero nostri anno quarto.||
+ Wir der vorgenant herzog Ruodolf sterken disen prief mit dirr underschrift unser selbs haut. +

Source Fulltext: OÖUB 8 (Wien 1883) S. 85f., Nr. 84