Ich Fridreich Piber vergich unnd thuen khundt den, di diesen brief sehent oder horent lesen, di nu sind oder hernach khunfftige werdent, dass Ich mit wolbedachtem Muet und mit gunst unnd guetleichen willen aller meiner Erben naeh rat meiner besten Freund zder Zeiten, do Ich is wol gethuen mocht, verkhaufft han der Erbern Frowen Frown Diemueten Herrn Seybotz wittib von Volchenstorf und Jern Khinden den hoff daz Sand Lienhard ein hueb und ein hoffstatt do selbs, den hoff daz Pucktzinge, ein Guet daz hassleden, ein guet daz hasenurvar, ein Guet daz dem Chasten, ein Guet daz Stalzenhueb, driu Guet daz Czeidelhaim, ein Mu^ell bey dem Sypach, Sibentzig Pfenninge gelts enhalb der Traun, ein Vischwaidt daz hasenurvar unnd ein Aw daselb mit alle dem daz dar zuo geho^ert, is sei ze holz, ze Veld oder ze dorf, wie is genant ist, versuecht und unversuecht umb drey hundert Pfundt und umb Sechss Pfund Pfenning Wiener Mu^entz, der ich gantz unnd gar gericht unnd gebert bin, also beschaidenleich, daz Ich des vorgeschriben guetes und alles des dar zu^e geho^ert, der vorgenanten Frowen unnd Jherer Khindt geber sein schol an aller der stat da in sein dorft ist. datz die Wandlung also stet unnd unverkhert beleib, Dar uber gib Ich der vorgenanten Frowen Frown Diemueten unnd Jeren Khinden diesen brief bestet mit meinem anhangunten Insigel und mit hern Ulreichs von Gruennwurch Insigel, unnd mit hern Marchartz des preuhauen Insigel und zu einer bessarn Sicherhait han ich gebetten hern Eberharten von Walse zden Zeiten hauptman ob der Ens und hern Reinprechten von Walse zden Zeiten Purgraff daz Ens, daz di auch Ir Insigel daran gehangen habent. Unnd zu einem bessarn urchund habent her Heinrich von Volchenstorf und her Gundakher von Losenstain gehangen Ir Insige! ze Zeuge an diesen brieff, di auch der Sache Tadinger gewesen sindt. Der brief ist geben nach Christes Geburth uber Dreyzehen hundert Jar in dem Viertzkisten Jar an Sant Georg tag.

Source Fulltext: OÖUB 6 (Wien 1872) S. 328f., Nr. 323