Ich Chunrat der Schiver zden zeiten meiner Herren Amptman von Walsse von Ens vergich offenbar mit disem Prief, daz ich dem Erberm Herren Apt Friderich ze Chremsmu^enster und seiner Sammung ein Weyngarten gelihen han ze rechtem Perchrecht, des ein Viertail ist und leit in der O^edengru^eb ze nachst der Herren Weingarten von Wilhering, den in Her Ulrich der Tru^echssner zden zeiten Vicarj ze Chirichdorf an sein lesten zeiten geben und geschaft hat mit urchund des Priefs, den er u^eber den vorgenanten Weyngarten gehabt hat und auch mir gezaigt ist zder zeit und ich in gelihen han. Si schullen auch von dem egenanten Weyngarten jarleich ein halben Emmer Weyn und zwen Pfenning dienen, wer Perchmaister ist. Und daz in daz staet und unverchert beleib, gib ich in ze u^erchund disen offen Prief versigelt mit meim anhangundem Insigel, Der geben ist nach Christ gepůrd, do ergangen waren Dreuzehen Hundert Jar dar nach in dem Vierzkisten Jar an dem heiligen Prehentag.

Source Fulltext: OÖUB 6 (Wien 1872) S. 313, Nr. 309