Albertus dei et apostolice sedis gracia episcopus Brixinensis. Honorabilibus viris ac dilectis in Christo . . . preposito, . . . decano totique capitulo ecclesie Inticensis salutem et sinceram in domino caritatem. Cum cultum diuini nominis et que ad cultus eiusdem decorem spectare videntur, plantare et fouere ex officii nostri debito teneamur, itaque matura et prouida deliberacione pensantes quod in dicta ecclesia vestra prebendarum redditus sunt adeo tenues et exiles, quod diuinorum obsequiis sic commode vt affectatis, intendere non potestis, vobis humiliter hoc petentibus vt eo vos possitis liberalius in diuinis officiis exercere, de consensu et capituli nostri donacionem et graciam de parrochialibus ecclesiis in Intica, Siliaco, Toblaco et Niderndorf nostre diocesis per reuerendum in Christo patrem dominum Chunradum venerabilem episcopum ecclesie Frisingensis consensu tocius capituli sui plenius accedente, quarum iuspatronatus memorato domino Frisingensi episcopo dinoscebatur longis retroactis ac eciarum dictarum donacionis et gracie temporibus pertinere, in subsidium dietarum prebendarum vestrarum mense et vtilitatibus ac vsibus vestris factas ratas et gratas habentes omni iure, modo, forma et causa quibus melius de iure et de facto valere potest, approbamus et auctoritate presencium confirmamus secundum tenorem et formam in litteris super eadem donacione et gracia prelibata confectis expressam quarum tenor per omnia noscitur esse talis.||
Folgt nun die Urkunde Bischof Konrad von Freising ddo. 1328, 27. April, . . . . . (Nr. 585).||
Prouiso tamen quod cura animarum in dicta ecclesia Inticensi minime negligatur, quoque in illa talis a vobis instituatur vicarius nobis et nostris successoribus presentandus cui tantum de prouentibus dicte ecclesie relinquatur quod hospitalitatem tenere, necnon de iuribus episcopalibus valeat respondere ac alia possit onera incumbencia supportare. Vt autem donacio et gracia suprascripte et hec nostra confirmacio de consensu dicti capituli nostri facta omnibus patefiat et robur obtineat debita firmitatis, nec vlla super eo questio uel dubietas oriatur, presentes litteras exinde scribi et sigillorum, videlicet nostri et dicti capituli appensionibus fecimus communiri. Nos quoque Fridericus vices gerentes decani totumque capitulum ecclesie Brixinensis predicte sigillum capituli nostri in premissorum euidenciam ex certa sciencia duximus presentibus appendendum. Datum Brixine, anno domini millesimo CCC. XX. octaua, III. die mensis Julii.

Source Fulltext: ZAHN, Codex Diplomaticus (=FRA II/35, Wien 1871) S. 170-171