Hec indentura testatur quod cum Thomas Hereward de Mapeltrestede magna concessit dominis Ricardo Middeford Iohanni de Bokyngham et Ricardo Frere capellanis quemdam annualem redditum sex solidorum et octo denariorum percipiendum eisdem heredibus et assignatis eorum annuatim ad festa Pasche et sancti Michaelis archangeli per equales porciones de omnibus terris et tenementis suis pro ut in quodam scripto eisdem inde confecto plenius continetur tamen predicti Ricardus Middeford Iohannes et Ricardus Frere volunt et concedunt pro eis heredibus et assignatis eorum quod si fratres hospitalis sancti Iohannis Ierusalem in Anglia pacifice tenere possint unam peciam terre in magna Mapeltrestede vocatam le Doune quin non distringantur nec graventur per predictum Thomam Hereward nec per aliquem alium nomine eius pro aliquo redditu de dicta pecia terre prius exacto tunc predictum scriptum predicti annualis redditus pro nullo habeatur sin autem in omni suo robore stet in perpetuum In cuius rei testimonium hiis indenturis partes predicte alternatim sigilla sua apposuerunt Datum apud Mapeltrestede predictam die dominica proxima ante festum sancti Edmundi regis anno regni regis Edwardi tercii post conquestum tricesimo nono

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.