Omnibus Christi fidelibus hoc scriptum visuris vel audituris Thomas Hereward de Mapeltrestede magna salutem in Domino Noveritis me concessisse dominis Ricardo Middeford Iohanni de Bokyngham et Ricardo Frere capellanis quemdam annualem redditum sex solidorum et octo denariorum percipiendum predictis dominis Ricardo Middeford Iohanni et Ricardo Frere heredibus et assignatis eorum annuatim ad festa Pasche et sancti Michaelis archangeli per equales porciones percipiendum annuatim de omnibus terris et tenementis meis in comitatu Essex ad festa predicta volens et concedens pro me et heredibus meis quod si contingat predictum annualem redditum ad aliquem terminum predictum in parte vel in toto aretro esse tunc bene liceat predictis dominis Ricardo Middeford Iohanni et Ricardo Frere heredibus et assignatis eorum in omnibus terris et tenementis meis in comitatu Essex distringere et districtiones sic captas effugare abducere retinere quousque de predicto annuali redditu et de arreragiis sibi plenarie fuerit satisfactum et in nomine seisine dicti annualis redditus liberavi predictis dominis Ricardo Middeford Iohanni et Ricardo Frere unum denarium In presencia Iohannis Horold Ricardi at Park Iohannis Matyn Willelmi Louekyn Iohannis Haytt et aliorum Datum apud Mapeltrestede magnam die iovis proxima post festum omnium sanctorum anno regni regis Edwardi tercii post conquestum tricesimo nono

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.