Sciant presentes et futuri quod nos Iohannes Shorthose de Gestingthorpe et Alicia uxor mea dedimus concessimus et hac presenti carta nostra confirmavimus Waltero Wottone de eadem unum mesuagium cum gardino et una pecia terre adiacente tres pecias prati et undecim acras terre arabilis cum pastura et strata vocatis Latchem[er]tye cum suis pertinentiis quondam Ricardi Othelesho et Agnetis uxoris eius in villa de Gestingthorpe in excambium pro uno mesuagio et tribus croftis terre cum suis pertinentiis in parva Mapeltrestede habend et tenend predictum mesuagium cum gardino et una pecia terre adiacentis predictas tres pecias prati et predictas undecim acras terre arabilis cum pastura et strata predictis cum suis pertinentiis predicto Waltero heredibus et assignatis suis in excambium de capitalibus dominis feodi illius per servicia inde debita et de iure consueta Et nos predicti Iohannes et Alicia et heredes ipsius Alicie prefatum mesuagium cum gardino et una pecia terre ad iacentis predictas tres pecias prati et predictas undecim acras terre arabilis cum pastura et strata predictis cum suis pertinentiis predicto Waltero heredibus et assignatis suis in excambium contra omnes gentes warantizabimus In quorum testimonium huic carte nostre sigilla nostra apposuimus Hiis testibus Thoma Chelmesho Thoma warde Willelmo Saleman Rogero Gyle Willelmo Undirwode et aliis Datum apud Gestingthorpe ultimo die octobris anno regni regis Edwardi tercii post conquestum quadragesimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.