In Dei nomine Amen Coram vobis venerabili viro domino officiale London[ie] vestrove in hac parte comissario competente quocumque pars domini Willelmi Caunvell[] vicarii perpetui ecclesie parochialis de Pritewell[] London[iensis] diocesis contra Iohannem Galiot dicte ecclesie parochianum et firmarium cuiusdam manerii vocati Sutton[] Temple infra fines et limites ac loca decimalia parochie de Pritewell[] predicte situati et contra quemcumque in iudicio legitime interveniente pro eodem dicit ut in iure proponit quod idem dominus Willelmus fuit et est dictam vicariam suam canonice assecutus ipsamque sic assecutam cum suis iuribus et pertinentiis universis per nonnulla tempora possedit pacifice et quiete quodque de consuetudine laudabili a 10 20 30 40 50 60 annis ac ultra et citra a tempore et per tempus cuius contrarii memoria hominum non existit in dicta parochia de Pritewell[] inconcusse observata legitimeque prescripta ius percipiendi et habendi omnes et omnimodas decimas minutas videlicet lanarum agnorum vitulorum casii porcellorum aucarum et columbarum necnon decimas personales de quibuscumque terris et locis infra fines et limites parochie ecclesie de Pritewell[] predicte existentes et presertim quascumque decimas minutas superius specificatas et in dicto manerio vocato Sutton[] Temple infra fines et limites dicte parochie ecclesie parochialis de Pritwell[] predicte notorie adiacentes toto et omni tempore quo manerium huiusmodi in manibus firmarii existebat vel existit sive ad firmam traditur provenientes ad dictum vicarium de Pritewell[] qui pro tempore fuerit ac vicarium supradictum qui pro nunc ipsius vicarie nomine pertinuit pertinet ac pertinere debet eciam infuturo prefatique firmarii dicti manerii de Sutton[] Temple omnes et singuli qui per tempus suprascriptum fuerint omnes et singulas decimas minutas superius prenotatas vicariis dicte ecclesie parochie de Pritewell[] pro eorum temporibus existentibus nomine decimarum minutarum plenarie persoluerunt ac prefatus Iohannes Galiot firmarius supradictus unum vitulum nomine minutarum decimarum et in partem solucionis eorundem eidem domino Willelmo Caunvell[] vicario predicto sua spontanea voluntate tradidit ac liberavit per se et suos liberareve mandavit et fecit fuitque idem dominus Willelmus Caunvell[] vicarius predictus pro tempore suo ac ipsius domini Willelmi precessores et predecessores omnes et singuli eorum temporibus successivis fuerunt per se et suos nomine vicarie supradicto in possessione iuris seu quasi percipiendi et habendi omnes et omnimodas decimas minutas suprascriptas de quibuscumque terris et locis infra fines et limites parochie dicte ecclesie parochialis de Pritwell[] ut premittitur adiacentibus sive existentibus et presertim decimas minutas videlicet lanarum agnorum vitulorum casii porcellorum aucarum et columbarum de dicto manerio de Sutton[] Temple et presertim toto et omni tempore quo huiusmodi manerium in manibus firmarii existebat sive ad firmam tradebantur vel traditur ut premittitur provenientes a 10 20 30 40 50 60 annis ultra et citra necnon a tempore et per tempus cuius contrarii memoria hominum non existit ac eas idem dominus Willelmus Caunvell[] pro tempore suo nomine prefate vicarie sue pro se et suos realiter percepit et habuit et de eisdem libere disposuit necnon ipsius domini Willelmi Caunvell[] vicarii predicti precessores et predecessores quicumque eorum temporibus succes sivis perceperunt et habuerunt ac libere disposuerunt de eisdem pacifice et quiete usque ad tempus infrascriptum prefatus Iohannes Galyot firmarius manerii de Sutton[] Temple predicte anime salutis sue immemor prefatas decimas minutas michi de dicto manerio et eius occasione provenientes per duos annos ultimo preteritos ac unum mensem ultra prefato domino Willelmo Caunvell[] vicario predicto solvere seu pro eisdem satisfacere non curavit neque curat set expresse recusavit et recusat seu plus debito distulit et differt ac eas per se et suos subtraxit et subtrahit iniuste dicto vitulo dumtaxat excepto que quidem decime sic ut premittitur per dictum Iohannem Galiot per dictos duos annos subtracte extendunt se ad quinque marcas sterlingorum licet per partem dicti domini Willelmi Caunvell[] vicarii predicti sepius adhuc fuisset congrue requisitus ac huiusmodi decimas minutas penes se detinuit et detinet illicite occupatas et in usus suos proprios illicitos convertit dictum dominum Willelmum Caunvell[] vicarium predictum iure et possessione suis huiusmodi nequitur ut premittitur spoliando in anime sue grave periculum ac dicti domini Willelmi vicarii et vicarie sue predicte preiudicium non modicum et gravamen Que omnia et singula fuerunt et sunt vera publica notoria manifesta perita et famosa ac predictum Iohannem Galyot firmarum predictum in presencia dicti domini Willelmi vicarii predicti et aliorum tam in iudicio quam extra sepius confessata et super premissis omnibus et singulis diu ante presentem litem motam laborarunt et adhuc laborant publica vox et fama Unde facta fide que requiritur in hac parte petit pars dicti domini Willelmi vicarii supradicti omnes et singulas decimas minutas suprascriptas de dicto manerio tempore quo manerium huiusmodi ad firmam traditur qualitercumque provenientes ac ius percipiendi et habendi easdem ad ipsum dominum Willelmum vicarium antedictum et vicariam suam predictam pertinuisse pertinere et pertinere debere ac pro iure et possessione ipsius domini Willelmi vicarii et vicarie sue predicte per vos dominum officialem predictum finaliter et diffinitive pronunciari decerni et declarari ac possessionem suam reintegrari prefatumque Iohannem Galyot in decimis minutis superius specificatis de dicto manerio provenientibus per ipsum ut premittitur subtractis occupatis et detentis si extent alioquin in summa supradicta ac in expensis legitimis per partem dicti domini Willelmi vicarii predicti factis et protestatis pars eiusdem de faciendo parti dicti domini Willelmi vicarii antedicti solvendi insuper condempnari et condempnatum ad solucionem eorumdem parti eiusdem vicarii faciendam canonice cogi et compelli per vos et vestram sentenciam diffinitivam domine iudex antedicte ulteriusque fieri statui et decerni in premissis et ea consernentibus quibuscumque quod iuris fuerit et racionis Que proponit et fieri petit pars dicti domini vicarii predicti coniunctim et divisim non artans se ad omnia et singula premissa probanda sed quatinus probaverit in premissis eatenus optineat in petito iuris beneficio in omnibus semper salvo et petit pars que supra quod huiusmodi causa summarie et plano iuxta novellas constituciones et sepe in clementinis procedatur

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.