Hec indentura facta inter fratrem Walterum Grendon priorem hospitalis sancti Iohannis Ierusalem in Anglia et eius confratres ex una parte et Robertum Rikedon et Thomam Birchelegh ex parte altera testatur quod predicti prior et eius confratres unanimi assensu concesserunt et licenciam dederunt pro se et successoribus suis predictis Roberto et Thome quod ipsi unum mesuagium viginti unam acras terre unam acram et dimidiam prati quatuordecim acras bosci et quinque solidatos et duos denarios redditus cum pertinentiis in villis de Witham et Wikham in comitatu Essex que de ipsis priore et confratribus per servicium faciendi fidelitatem et reddendi inde annuatim octo solidos et novem denarios pro omnibus serviciis dare possint et assingnare cuidam capellano divina celebraturo in ecclesia de Witham et successoribus suis secundum ordinacionem predictorum Roberti et Thome habend et tenend eidem capellano et successoribus suis in perpetuum Et quod predictus capellanus predicta mesuagium terras boscum et redditum cum pertinentiis a prefatis Roberto et Thoma recipere possit et tenere sibi et successoribus suis in perpetuum statuto de terris et tenemento ad manum mortuam non ponendis in aliquo non obstante nolentes iidem prior et confratres ratione statuti predicti per ipsos seu successores suos quod predicti Robertus et Thomas seu capellani predicte cantarie inde occasionentur molestentur in aliquo seu graventur in futuro salvis semper prefatis priori et confratribus et eorum successoribus omnibus serviciis et consuetudinibus de predictis mesuagio et bosco terris et redditu de iure debitis et consuetis in perpetuum Et si contingat predictam cantariam aliquo tempore vacari quod tunc capellanus cantarie predicte post quamlibet vacacionem eiusdem solvet priori et confratribus predictis vel eorum successoribus duplicem redditum nomine relevii In cuius rei testimonium uni parti huius indenture penes predictos Robertum et Thomam remanenti predicti prior et confratres sigillum suum commune apposuerunt alteri vero parti penes predictos priorem et confratres remanenti predicti Robertus et Thomas sigilla sua apposuerunt Datum apud Chippenham in celebracione capituli nostri die martis proxima post festum sancte Trinitatis anno regni regis Ricardi secundi post conquestum Anglie vicesimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.