Hec indentura testatur quod nos frater Iohannes Radyngton prior hospitalis sancti Iohannis Ierusalem in Anglia concessimus et dimisimus Roberto Fox et Iohanne uxori eius unum mesuagium vocatum Saundres et unam acram terre iacentem in campo vocato Brokehole inter viam regalem ducentem de Halstede usque Sutbury ex parte una et terram Walteri Panymere ex parte altera unde unum capud abuttat super dictam Brokehole et aliud capud super dictam regiam viam habend et tenend dictum mesuagium cum dicta acra terre et pertinentiis suis Roberto et Iohanne uxori eius et heredibus de corporibus eorum legitime procreatis de predicto priori et successoribus suis reddendo inde annuatim dicto priori et successoribus suis duos solidos et sex denarios ad festa Pasche et sancti Michaelis per equales porciones Et si contingat predictum Robertum Iohannam uxorem eius heredes aut assignatos eorum in solucione dicti redditus in parte vel in toto per quindecim dies post aliquem terminum prenominatum deficere vel vastum seu distruccionem in domibus vel arboribus facere quod extunc bene liceat predicto priori et successoribus suis dictum mesuagium et dictam acram terre cum suis pertinentiis reingredi et retinere imperpetuum sine contradictione aliquali Ad que omnia et singula bene et fideliter facienda et complenda dicti Robertus et Iohanne uxor eius obligant se heredes et executores suos ac omnia bona sua per presentes In cuius rei testimonium sigillum nostrum et sigilla predictorum Roberti et Iohanne uxoris eius huic indenture alternatim sunt appensa Datum in manerio nostro de Brokesbourne in festo sancti Germani confessoris anno regni regis Ricardi secundi post conquestum decimo octavo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.