Omnibus hoc scriptum visuris vel audituris Willelmus de Ferr[] comes Derb[] salutem in domino Noveritis me concessisse pro me et heredibus meis quod homines mei de Caston[] qui prius tenuerunt terras suas in Caston[] per firmas auxilia et alias consuetudines ad voluntatem dominorum teneant de cetero et eorum pueri successive post illos sive eorum propinquiores parentes qui pueros non habuerunt terras suas de Caston[] cum pertinenciis de nobis per certum forum denariorum per annum cum quodam incremento quinque selionum de dominico ibidem concesso Rogero filio Hugonis pro virgata sua plene perficienda scilicet unamquamque virgatam terre pro duabus marcis argenti et unamquamque bovatam terre pro una marca argenti et unamquamque dimidiam bovatam terre pro dimidia marca argenti per annum bene et in pace et integre tenend et habend quamdiu dictum manerium de Caston[] in manu mea et heredum meorum fuerit sive de quibuscumque aliis quos contigerit dictum manerium vel partem manerii de Caston[] habere de dono vel ballio nostro sive racione custodit reddendo inde nobis annuatim quartam partem firme ad pascha ad nativitatem sancti Johannis Baptiste quartam partem ad festum sancti Michaelis quartam partem ad natale domini quartam partem pro omni seculari servicio et exaccione salvo forinseco servicio in omnibus et salvis nobis duabus sectis curie de illis ad duas magnas curias nostras per annum una scilicet proxima post pascha et alia proxima post festum sancti Michaelis infra sockam de Stapilford[] Similiter sequantur in dicto manerio de Caston[] de curia in curiam ad sanguinem fusum et uthesium infra dictum manerium cum acciderit et ad omnes alias querelas factas per ipsos vel alios super aliquem de se ipsis donec per judicium curie loquele et querele ille terminentur ita quod qui ex illis tenens unam virgatam terre ceciderit in misericordia nostra dabit nobis pro misericordia sua xiii d et tenens bovatam terre et dimidiam ix d et tenens unam bovatam vi d preter quam in placitis sanguinis et verberature Quod si quis in illis convictus fuerit amercietur per consideracionem curie secundum quantitatem delicti sine voluntate ballivi et secundum possibilitatem delinquentes deservata semper in omnibus delictis justa et competente emendacione injuriam passis et post mortem uniuscuiusque dabunt nobis de catellis defuncti nomine legati et hereiheti sive de catellis ipsius qui terram post mortem defuncti tenebit scilicet ad virgatam dimidia marca ad bovatam et dimidiam quinque solidis et ad bovatam xl denariis et pro marcheto filiarum suarum ad virgatam terre ii solid ad unam bovatam et dimidiam xviii d et ad unam bovatam xii d ita quod nos omnes ut predictum non poterimus aliquo modo aliquid servicii vel servitutis plus exigere de predictis hominibus ut predictum est De cetera nec ipsos de predictis terris eicere dum predicta servicia pro predictis terris facere ad plenum voluerint In cujus rei testimonium hoc scriptum pro me et heredibus meis ut predictum est sigilli mei munimine roboravi Hiis testibus Roberto de Punchordon[] Pagano de sancto Philberto Thoma Makerel Galfrido de Couelray Roberto de Mercinton[] Rogero tunc persona de Stapilford[] Henrico tunc persona de Stapilford[] Johanne de Crokeston[] Roberto le Moyne et aliis Dat[] apud Beureper[] die lune proxima ante nathale domini anno regni regis Henrici filii regis Johannis xxx vii

Source Fulltext: The Cartulary of Tutbury Priory. Royal Commission on Historical Manuscripts Joint Publication, 2. A. Saltman. Collections for a History of Staffordshire. H.M.S.O. London. 1962.