Hec est conuentio facta inter fratrem Rogerum Abbatem Oseneye et eiusdem loci Conuentum ex una parte et Willelmum de Hedindone burgensem Oxonie et Matildem uxorem eius ex altera uidelicet quod idem Abbas et Conuentus concesserunt et tradiderunt ad feodi firmam predictis Willelmo de Hedindone et Matildi uxori sue quoddam mesuagium cum omnibus suis pertinentiis quod situm est in macella Oxonie in parochia Omnium Sanctorum inter tenementum predicti Willelmi de Hedindone ex parte orientali et tenementum Philippi de Ew ex parte occidentali una cum braceria et quodam curtilagio et domo cum solario que continent in longitudine uiginti ulnas cum pollicibus a fine terre dicti Willelmi a parte aquilonari usque ad terram Henrici Oweyn uersus austrum et in latitudine quinque ulnas et dimidiam cum pollicibus inter terram predicti Philippi de Ew et terram Thome Aurifabri habend et tenend predictum mesuagium cum omnibus suis pertinentiis predictis Willelmo et Matildi uxori sue ad totam uitam eorundem uel alterius eorum qui uel que superuixerit libere quiete bene et in pace reddendo inde annuatim predictis Abbati et Conuentui triginta solidos ad quatuor anni terminos [...] Predicti uero W et M domos predicti mesuagii edificabunt et edificatas propriis sumptibus suis sustentabunt [...] de predicto mesuagio uel in eadem edificatis seu plantatis Antedicti autem [...] et ut [...] hiis testibus Iohanne de Ew tunc maiore Oxonie Willelmo de Wodestone et Roberto de Wormenhale tunc balliuis Henrico Oweyn Nicholao Aurifabro Iohanne Sewy Thoma de Sowy et aliis

Source Fulltext: Cartulary of Oseney Abbey. H. E. Salter. Oxford Historical Society, V.89. Oxford Historical Society. Clarendon Press. Oxford. 1929.