Sciant presentes et futuri quod ego Ricardus Ouerhe dedi concessi et hac presenti carta mea confirmaui Iohanni de Wynchindone et Ysabelle uxori sue totum illud mesuagium cum omnibus suis pertinentis quod situm est in parochia beate Marie Magdalene in suburbio Oxonie inter terram Henrici Huwain ex parte una et terram quondam Iohannis le Forbur ex altera sub feodo preceptoris de Couele habend et tenend de me et heredibus meis uel meis assignatis sibi et eorum heredibus uel eorundem assignatis libere quiete integre bene et in pace in perpetuum reddendo inde annuatim michi et heredibus meis uel meis assignatis quatuor solidos argenti ad quatuor terminos anni uidelicet ad festum beati Iohannis Baptiste duodecim denarios et ad festum sancti Michaelis duodecim denarios et ad festum Natalis Domini duodecim denarios et ad festum beate Marie in Marcio duodecim denarios pro omni seruicio seculari exaccione et demanda saluo redditu dominis capitalibus feodi debito et consueto Et ego [etc warranty] Et predicti uero Iohannes et Ysabella uxor eius et eorum heredes uel eorundem assignati predictum mesuagium cum omnibus suis edificiis sustentabunt emendabunt et reedificabunt ita quod nec predicti Iohannes et Ysabella nec eorum heredes nec assignati nullum uastum neque strepementum in totum predictum tenementum neque in arboribus crescentibus de cetero facere possint Pro hac autem donacione [etc] dederunt michi predicti Iohannes et Ysabella uiginti solidos sterlingorum pre manibus Et ut [etc alternate sealing] hiis testibus Iohanne de Eu tunc maiore Oxonie Willelmo de Wodesdone et Roberto de Wormenhale tunc balliuis eiusdem Henrico Ouwein Philippo de Eu Iohanne Culuerd Willelmo de Lamburne clerico et aliis

Source Fulltext: Oxford Balliol Deeds. H. E. Salter. Oxford Historical Society, V.64. Oxford Historical Society. Clarendon Press. Oxford. 1913.