Nouerint uniuersi quod ego Simon Scot de Cattestrete assensu et consensu magistri et fratrum domus beati Iohannis Oxonie tradidi concessi et ad firmam dimisi Rogero de Codesforde et Alitie uxori sue et eorum heredibus uel assignatis unum domum cum cameris et omnibus suis pertinentiis exceptis duabus schopis que sunt extra ostium dicte domus ex utraque parte que etiam domus uocatur Scotteshalle intra portam de Smythegate Oxonie et est iuncta aule que uocatur Blakehalle de Uniuersitate ex parte occidentali ita uidelicet quod si proprio igne dicti Rogeri aut suorum aliqua domus sit combusta tunc ipse Rogerus aliam domum ibidem reedificabit ad ualorem domus combuste si sue facultates ad hoc se extendant habend et tenend predictam domum cum cameris et suis pertinentiis predictis Rogero et Alitie uxori sue et eorum assignatis ad totam uitam meam soluendo inde annuatim michi uel meis assignatis ad totam uitam meam nouemdecim solidos et sex denarios ad quatuor anni terminos principales pro equali portione et domui beati Iohannis Oxonie sex denarios in festo Natalis domini pro omnibus seruitiis et demandis In cuius rei testimonium presenti scripto sigillum meum apposui Dat Oxonie in festo beati Mathei apostoli anno regni regis Edwardi octodecimo Hiis testibus Nicholao Aurifabro tunc maiore Oxonie Rogero de Sowy et Ricardo le Spicer tunc balliuis eiusdem uille Roberto le Notur Roberto de Lincolnia magistro Radulfo Medico Ricardo de Westmonasterio et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.