Wir^a disz nachbenempten Peter Branndisz von sant Gallen vnd Suszanna von||
Hoff sin elichu frôw bekennen vnd tunt kunt allermenglich mit disem brief,||
das vns die fursichtigen wisen der burgermaister der raut vnd die burger||
gemainlich der statt zu sant Gallen erberlich gewert vnd bezalt hand zwaintzig pfund haller Costentzer werung, so vns vff sant Martins tag nachst vergangen vor datum diss briefs von in ze lipding gevallen waren, vnd darvmb so lauszen vnd sagen wir die obgenanten den burgermaister den raut vnd die burger gemainlich vnd all ir nachkomen der vorgeschriben zwaintzig pfund haller verualles libdings luterlich vnd ouch gar vnd gentzlich quitt ledig vnd losz fur vns vnd all vnser erben. Mitt vrkund diss briefs, der besigelt geben ist zu end diser geschrifft mit vnsern vffgedrukten insigeln des nachsten fritags nach sant Othmars tag anno CCCCo Xo.