Allen^a den, die disen brieff an sehent lesent oder horrent lesen, kundent wir frouw||
Vrsul von Roggwille¹ Steffans Roggwillers ains burgers ze Costentz elichu husfrouw vnd||
Balthasar iro baider sun, dz vns die erbern wisen der burgermaister vnd der raut der statt||
ze sant Gallen gewert hand den halben zins der zechen^b pfunt haller, die vns von den obgenanten von sant Gallen baiden ze rechtem libding vff sant Johans tag des hailgen ewangelisten, der nachst hin ist, verfallen warent nach vnsers houptbrieff lut vnd sag, den wir von in hant, des selben obgenanten geltz sagent wir die obgenanten von sant Gallen quitt ledig vnd lous mit vrkund diss gegenwrtigen brieff. Vnd des ze vrkund, won wir nut aigen ingsigels habent, so habent wir gebetten den obgenanten Steffann von Roggwille, dz er sin insigel fur vns getrukt haut ze end dirr geschrift, dar vnder wir vns verbindent. Geben do man von Cristi geburt zalt vierzehen hundert jar vnd dar nauch imm zehenden jar, an vnser frouwen abent ze der kertzwichi.