Wir Ruprecht etc. bekennen vnd dun kunt offenbare mit diesem briefe allen den, die yn sehent oder horent lesen, daz wir haben angesehen getruwe danckneme dinste, die vnser lieber getruwer Eberhard von Ramschwage¹ vns vnd dem riche getruwlich bewiset vnd getan hat tegelich dut vnd auch hinvor in kunfftigen zijten dun sol vnd mag, vnd haben darumb mit wolbedachtem mute vnd rechter wiszen dem vorgenanten Eberh. von Ramschwage bestetiget beuestet vernuwet vnd confirmeret bestetigen beuesten vernuwen vnd confirmeren yme auch in cr(af^t disz br(ief^s vnd Romischer kuniglicher mechte volkomenh(ei^t alle vnd igliche pfantschafft dez zolles zu Lyndauwe² des hoffes zu Kriessern³ mit allen luten rechten vnd zugehorungen vnd auch der frijen lute zu Gettelmare⁴, Wertzenberg⁵, Baldenwile⁶, Vnegtze⁷, Swenberg⁸ vnd Vtzwile⁹, dartzu die pfantschafft des fares zu Blatten¹⁰ vnd zu der vogtye zu Waltkilchen¹¹ vnd alle vnsere gesetzte vogterechte, die wir haben in der vogtye des closters zu sant Gallen, vnd sust alle andere pfantschaffte vnd sust auch priuilegia vnd brieue, die sin altfordern von seliger gedechtnisze kunig Rudolff vnd kunig Albrecht vnsern furfarn an dem riche vnd allen andern vnsern furfarn Romischen keysern vnd kunigen vorzijten verluhen vnd gegeben sint. Vnd wollen auch, das der vorgenant Eberhard von Ramschwage fur bas bij denselben pfantschafften priuilegien vnd brieffen gentzlichen verliben^a sol in aller der masze, als sie dan mit sunderlichen worten begriffen sint vnd vszwisent von menglicher vngehindert. Ork(un^d disz br(ief^s vers(igel^t mit vnser kunigl(iche^r maiest(a^t ing(esige^l. Geben zu Heidelberg¹² nach Crists geburte XIIIIc jar vnd darnach in dem nunden jar, am nehsten dinstag nach dem sundag Invocavit, vnsers richs in dem nunden jare. Ad rel(atione^m domini F. de Oting(eⁿ13 m(agistrⁱ cur(i^e Emericus¹⁴ etc.