Ich^a Rudolff Mayger von Altstetten¹ tun kund allermenglichem mit dem gegenwurtigen offenn brief, als der zehend ze Nutziders² ze Prâtz³ ze Talaus⁴ vnd zem Closterlin⁵||
mitenander recht lehen von mir ist, als die selb lehenschafft mit rechter erbschafft von minen vordern an mich komen vnd geuallen ist, sol menglichem ze wissent||
sin vnd vergich ich obgenanter Rudolff Mayger des wissentlich an disem brief, das ich dem fromen wolbeschaidenn Hainrichen von sant Vinar⁶ sesshafft ze Nutziders geLsund libs vnd muts mit guter williger vorbetrachtung ze den ziten vnd tagen, do ich es mit recht wol kreffteklich getun mocht, ze rechtem lehen vnd nach lehens recht vngeuârlich recht vnd redlich geluhen vnd verluhen hab vnd lih im och also wissentlich mit vrkunde dis briefs disu hienach geschribnu stuk des selben zehenden, des ersten den kornzehenden halben ze Nutziders ains nundentails minder, den die Burser⁷ darvss och also von mir ze lehen hând, item die zwen tail des halben winzehenden ze Nutziders, item ainen gantzen vierdentail aller smalsât raban vnd obses, item ainen sechsten tail des hanfzehenden da selbs, item den lember zehenden halben ze Nutziders ze Prâtz ze Talaus vnd zem Closterlin, item vier schilling an werd ze Prâtz vnd och vier schilling an werd ze Talaus mit allen nutzen guten gewonhaiten ehafftinen rechten vnd zugehorden benempten vnd vnbenempten vnd was ich im von rechtz wegen daran verlihen sol vnd mag, sunderlich als er du selben stukk des zehenden vormals von minen vordern och ze lehen enpfangen vnd vntzher also inngehebt besessen vnd genossen hât nach wysung vnd sag der kôffbriefen vnd lehenbriefen, so er vormâls darvmb hât, vnd vff das hât er mir och geloppt von den lehenn ze tund, als ain lehen man sinem lehen herren billich tun sol, vngeuârlich. Des alles ze wârem offem vrkunde vnd stater sicherhait hab ich vorgenanter Rudolff Mayger von Altstetten dem selben obgenanten Hainrichen von sant Vinar disen brief darvber versigelt geben mit minem aignen anhangenden insigel. Das geschah vnd ward der brief also ze Veltkilch⁸ geben des iâres, do man zalt von Crists geburte vierzehenhundert vnd darnach in dem nunden jâr, des nachsten frytags nach sant Hylaryen tag.