Allen, die disen gegenwúrtigen brief ansehent alder ho^erent lesen, kúnden wir her Waltherv^olrich ritter vnd Walther gebrůder von der || Alten Clingen¹ frîe herren vnd veriehin dez offenlich an disem brieue, daz wir willeclich vnd gern durch got vnd durch bette der || êrwirdigen vrowen . . der a^ebtissinne vnd dem . . conuente gemainlich dez gotzhuses ze Maggenôwe² reht vnd redelich geben haben || ze rehtem aigen die hůbe ze Flawille³ vnd swaz darzv^o ho^ert mit allem reht, dv´ hern Armors von Luterberg⁴ waz, vnd haben inen die selben hůbe geben vnd gefertegot fúr reht aigen mit allen den worten werken vnd geta^eten, so darzv^o horte ald geho^eren mohte nach gewonhait vnd nach reht, vnd haben v´ns dar v´ber verzigen vnd verzihen v´ns an disem briefe fúr v´ns vnd fúr alle v´nser erben vnd nachkomen gen den vorgenanten gaischelichen vrowen vnd gen allen iren erben vnd nachkomen alles dez rehtes vnd aller der ansprache, so wir an dem vorgenanten gůt hatten ald von dekainen dingen gehaben mohten, wir vnd v´nser nachkomen so^elin och dez selben gůts ir vnd ir nachkomen reht wern sin fúr reht aigen nach reht ane geva^erde. Vnd ze warem vnd offenne vrkúnde vnd sta^eter vnd êwiger sicherhait aller dirre dinge geben wir die vorbenenten her Waltherv^olrich vnd Walther gebrůder von der Alten Clingen fúr v´ns vnd alle v´nser erben vnd nachkomen den vorgenanten gaischelichen vrowen der a^ebtissinne vnd dem conuente dez gotzhus ze Maggenôwe vnd iren nachkomen dar v´ber disen brief mit v´nseren aigenen insigeln besigelten. Dis beschach vnd ist dirre brief ze Costentz geben, do man von Cristes gebúrt zalte drúzehenhundert jar, dar nach in dem siben vnd drissigosten jar, an sant Michels abende.

Source Fulltext: Chartularium Sangallense VI, Nr. 3673, S. 268.