Wir^a) graue Friderich vnd graue Dietheln von Toggenburg¹ gebrůdere kúnden allen, die disen brief sehent oder ho^erent lesen, das || wir v´nsern hof ze Trůngen², der ierlich giltet zwelf mút kernen, vierzehen vierteil habern, fúnf fu^esse an schaffen, ein pfunt pfen||ningen vnd ein swin, das zwelf schilling pfenning ierlich gelten sol^b), vnd v´ns vnuerscheidenlich eigenlich anhorte, frilich vnd ledeklich || gegeben haben dem erwirdigen edeln herren grauen Krafte von Toggenburg³ v´nserm lieben vettern, vnd haben im vollen gewalt geben vnd geben im o^vch an disem briefe, den selben hof in sin gewalt ze zichenne vnd ze besitzenne nach rechte vnd des landes gewonheit als sin recht eigen gůt vnd da mitte ze schaffenne gegen menlich, das er wênne, das im wol fu^ege, vnd das er das dester frilicher vnd kreftlicher mit aller ehafti worten vnd werchen, so da zů ho^eret, getůn muge, so haben wir v´ns sament vnd sunderlich entzigen an sine hant fúr v´ns vnd v´nser erben alles rechtes aller vorderunge vnd ansprache, so wir iemer sament oder sunderlich gehaben oder gewinnen mo^echtin dekein weg an den vorgenanden hof an geistlichem oder an weltlichem gerichte gegen dem vorgenanden v´nserm vettern oder gegen ieman, dem er von im dekeines weges gegeben⁴ oder verko^vft wirt, er si geistlich oder weltlich, iemer dekeines zites. Vnd ze einem offen vrkúnde alles des, so vorgeschriben stat, geben wir disen brief besigelt mit v´nsern ingesigeln offenlich. Dis geschach vnd wart o^vch dirre brief geben ze Liechtensteig⁵, do man von gottes gebúrte zalte drúzehenhundert iar, dar nach in dem sechsten vnd drissigosten iare, an sant Thomas abent des zwelfbotten.

Source Fulltext: Chartularium Sangallense VI, Nr. 3643, S. 249.