Reverendissimo in christo patri et domino domino Leonardo Episcopo pataviensi domino nostro generoso. Magister Civium Iudex et Iurati Civitatis Wiennensis Reverentiam tam debitam quam condignam cum plenitudine omnis boni, Ad perpetuam missam olim fundatam per Michaelem Fuechsl et Johannem Mauttinger concives nostros in Altari undecim milium virginum et in cappella superiori generosissimi domini nostri Regis situata in ecclesia sancti Stephani hic wienne .v. p. (vestrae paternitati) diocesis cuius ius patronatus seu presentandi ad nos dinoscitur pertinere, vacans ad presens per liberam resignationem domini Johannis Hetz ultimi et in mediationem rectoris eiusdem ex causa permutationem sponte factam, honorabilem virum dominum Petrum Guenther v. p. (vestrae paternitati) duximus presentandum, Rogantes attente. Quatenus resig-nationem huiusmodi cum vestris rite facta fuerit in manibus admittere et approbare, eaque admissa dan dominum Petrum vel procuratorem suum pro eo ad prefatam missam instituere. Ipsumque de eadem cum omnibus iuribus et pertinentiis suis, ad hanc presentationem nostram auctoritate vestra ordinario investire velitis ut est morem. Administrationem eiusdem misse sibi committendo. Datum Wienne die Jovis quinta mensis Maii. Anno domini Millesimo quadringen-tesimo Quadragesimo sexto, nostri sub appensione sigilli minoris.

Source Fulltext: Peter Peusquens