Leonardus dei gratia Episcopus Pataviensis Dilecti in christo .. Magistro Chori ecclesie Collegiate sancti Stephani altaris Omnium sanctorum hic Wienne nostre diocesis Salutem in domino. Quia ad perpetuam missam olim fundatam per dominam Annam de Ybs in Altari Omnium sanctorum situatam in ecclesiam sancti Stephani ibidem vacantem ad presens per resignationem Dilecti in christo Michaelis de Aspach Rectoris parochialis ecclesie ad sanctum Petrum in Augea, ultimi et inmediati Rectoris eiusdem ex causa permutationis dumtaxat pro missa perpetua in Altari sancti Jeronimi in cappella beate marie virginis in littore ibidem Wienne fundatam in manibus nostris factam ac per nos receptam et admissam Dilectum in christo Meinhardum Lochner Compermuta-torem ipsius de expresso consensu et voluntate Honorabilium in christo dilectorum .. Magistri civium Judicis et Juratorum Opidi Wiennensis, ad quos ius presentandi prefate perpetue misse pertinere dinoscitur Rectorem institutimus per presentes ipsumque per libri traditionem ut moris est presentialiter investivimus de eadem. Curam ac administrationem spiritualium et temporalium sibi in ea plenarie committentes. Quarum tibi in virtute sancte obedientie firmiter et districte mandamus quatenus antedictum Meinhardum aut eius in hac parte legittimum procuratorem in et ad prenominate misse corporalem possessionem iuriumque et pertinentiarum omnium eiusdem inducas et inductum defendas faciasque sibi de fructibus Redditibus proventibus iuribus et ob-ventionibus universis ad dictam perpetuam missam spectantibus ab omnibus quorum interest integre responderi Contradictores et Rebelles quoscunque per censuram ecclesiasticam firmiter compescendo. Datum Wienne Nona die Mensis Martii Anno domini Millesimo quadringentesimo quadragesimo sexto.

Source Fulltext: Peter Peusquens