Von gotes genaden Albrecht pfallentzgrave bey Rein Hertzog in Beyern und Grave zue Voburg etc. Unsern guenstlichen grus bevor fuersichtich und weis uns sunderlieb. Als der Hochwirdig unser liber herre und freunde, her Johanns der heiligen Romischen kirchen Cardinal und Bischove zue Freysingen, yetzo die Ersamen, Johannsen Tuerndel und Johannsen Symonis, lerer geistlicher Rechten, sein Raete, und Tuembherren doselbs zue Freisingen, in unsers genedigisten herren, des Romischen konigs etc. hof, schicket, von seiner gerechtichait und der kirchen wegen Bitten wir ew mit vleis, Ir wellet umb unsern und sunder der gerechtichait willen, gen seinen koniglichen gena-den Ratsam, beigestenndig und hilflichen sein, damit der egenante unser lieber herre und freun-de, auch die kirch freisingen, zue rue, fride und gemach kome, bey Irer gerechtichait beleiben, auch grossers verderbnis und schadens vertragen werden. Daran beweist Ir uns sunder danncknam wolgevallen. Datum Muenchen an Montag nach dem Sonetag Invocavit Anno domini etc. xlvj°.

Source Fulltext: Peter Peusquens