Fridreich von gots gnaden Romischer Kunig zu allenzeiten Merer des Reichs, Hertzog zu Oesterreich und zu Steir etc. Erbern weisen und lieben getrewn. Wir begern an ew mit fleiss, emphelhen ew auch ernstlich, daz Ir bei den pekchen zu Wienn darob seit und bestellet, und auch enstlich mit In schaffet, daz Si fuerderlich prat pachen, als maist Si muegen, zu fuern in das veld, so wellen wir bestellen, daz die strassen befridt werden, damit Si das sicher da selbshin in das veld pringen muegen, und In das auch betzalt werde, wann wir vernemen, daz wir daran ainen abganng gewinnen moechten. Daran tut Ir unser ernstliche maynung. Geben zu der Newn-stat an phintztag nach sannd Ulreichs tag. Anno etc. xlvto. Unsers Reichs im Sechsten Jare. Commissio domini Regis in cons(ilio).

Source Fulltext: Peter Peusquens