Fridrich von gotes gnaden Roemischer Kuenig zu allentzeiten Merer des Reichs. Hertzog ze Osterreich ze Steir etc. Erbern weisen und lieben getrewen. Als wir unserm getrewen Lienharten dem Tanperger Burger ze Presspurg auf ettlich zeit unser sicherhait und gelaitt gegeben haben, darumb daz er sein gelter den er schuldig beleibt, entrichtten, und sich mit In verainen moechtt, hat er uns zuerkennen geben, wie er sich nu mit ettlichen veraint hab und noch ettlichen schuldig sey, die solich gelt ueberhaubt von Im zehaben mainen. Also begern wir an ew. Emphelhen ew auch ernstlich, daz Ir darob seit und bestellet, damit Im gerawm taeg gegeben werden, damit er solich sein gelter an merkhlich schêden betzaln mueg. Daran tuet Ir uns ein guet gevallen und unser maynung. Geben zu der Newnstat an phintztag vor sand Margreten tag, anno etc. quadragesimo quinto. Unsers Reichs im sechsten jar. Commissio domini Regis, Magistro curie referente.

Source Fulltext: Peter Peusquens