Fridreich von gots gnaden, Roemischer kunig zu allenzeiten Merer des Reichs, Hertzog ze Oesterreich, und ze Steir etc. Erbern weisen und lieben getrewn. Als die erber Agnes Eschenawerin ettwievil schuldig beleibt, und solich geltschuld, an Irn merclichen schaden, in kurtz, nicht betzallen mag, als wir underweist sein. Begern wir an ew mit sunderm vleiss und ernste, daz Ir gen denselben Irn geltern, und sunder, gen unserm lieben andêchtigen, Jorgen pharrer zu Pulkgaw, umb unsern willen fleiss tuet, und daran seit, damit Ir zu betzalung solher Irer geltschuld gerawm têg gegeben werden, damit Sy die dester fugleicher betzalen und darumb genueg tuen mueg. Daran tuet Ir uns ain sunder guet gevallen. Geben zu der Newnstat an Sunntag, als man singet Letare, zu Mittervasten, anno etc. xlvto, unsers Reichs im fumften jar. c(ommissi)o domini Regis per d(ominum) W(olfgangum) Wolffenreutter, cons(iliarium) suum

Source Fulltext: Peter Peusquens