Fridreich von gots gnaden Roemischer kuenig, zu allenzeiten Merer des Reichs, Hertzog zu Oesterreich und zu Steir etc. Erbern weisen, und lieben getrewn. Wir begern an ew, und pitten mit sunderm fleiss, und ernste, daz Ir unsern getrewn Albrechten Wildekger, zu ainem ewrm Statknecht, daselbs zu Wienn, auf der Tuenawprukch aufnemen, und In als ander solich ewr Statknecht daselbs, haltten wellet, und beweiset ew also darInne, damit er unserr pete gen ew emphinde genossen haben. Daran tuet Ir uns ain sunder gut gevallen. Geben zu der Newnstat, an Sambstag vor dem Suntag Oculi in der vasten . Anno etc. quadragesimo quinto, unsers Reichs im fuemften jare. Commissio domini Regis, W(olfgango) Wolffenreuter referente.

Source Fulltext: Peter Peusquens