Fridreich von gots gnaden, Roemischer kuenig, zu allenzeiten Merer des Reichs, Hertzog zu Oesterreich und zu Steir etc. Erbern weisen, und lieben getrewn. Wir sein von unsers getrewn Urban des Huntzhaimer wegen gepeten worden, Im zuverguennen, sein pauwein, von Huntzhaim, haim zu seiner behausung zu fuern. Also begern, und pitten wir ew, mit sunderm fleiss und ernste, daz Ir In dieselben sein pauwein, also fuer unser Stat, daselbs zu Wienn, auf dem wasser, an Irrung fuerfuern lasset. Doch Meutt und zoll, so sich davon zu geben gepuern, vorbehaltten. Daran tuet Ir uns ain sunder guet gevallen. Das wir gen ew gnediclich erkennen wellen. Geben zu Newnstat, an Suntag Letare zu Mittervasten. Anno etc. quadragesimo quinto. Unsers Reichs im fuemften Jare. Commissio domini Regis per magistrum curie.

Source Fulltext: Peter Peusquens