Albrecht von gotes gnaden Romischer Kunig zu allentzeiten merer des Reichs ze Ungern ze Behem Dalmacien Croacien etc kunig, Hertzog ze Oesterreich etc. Erbern weisen und lieben getrewn. Wir haben vernomen, wie Ir das vergangen jar, nicht habt lassen rennen umb den Scharlach, als dann vormalen beschehen ist, das uns nicht gevellet. Emphelhen wir ew und wellen ernstleich, daz Ir solich rennen, das gegenwuerttig jar, nicht under wegen lasset, sunder das volbringet, als das von alter ist herkomen. Daran tuet Ir gêntzleich unser ernstleiche maynung. Geben an freitag vor sand Pangrêtzen tag Anno domini etc. Tricesimo nono, unserr Reiche im andern jare. Under unserm Insigil daz wir in unserm fuerstentum Oesterreich geprauchen. com(missi)o propria domini Regis.

Source Fulltext: Peter Peusquens