Ich Anthoni Hanman Burger zu Fuenfkirchen, Bekenn fuer mich, und an stat Margrethen meiner lieben hausfraun, Cristans des Gurmans seligen tochter, der gewalt Ich hab, und fuer die Ich mich gêntzlich annym, und fur all unser erben, und tun kund offenlich mit dem brief, das mir der vesst Ritter, und die Ersamen weisen, her Hannns der Stegêr zu den zeiten Burgermaister, und der Rat gemain der Stat zu wienn, Ingeantwurt und gegeben habent, drey gantz besigelt kaufbrief, der yeder lautt uber an viertail hauss in der vodern pekchenstrass, hie zu wienn, das des egenanten.. Gurmans gewesen ist, und ainen besigelten Tailbrief auch uber dasselb haus, und ainen Gerichts-brief, der von ains Spruchs wegen, hie von dem Rat ausgegangen ist, Dieselben brief all, der egenanten meiner hausfraun erblichen zugebuerent, von des egenanten Irs vaters wegen, und ettwenn hinder den egenanten Rate gelegt sind worden. Davon so sag Ich fuer mich und die egenante Margrethen mein hausfrawn, und fuer all unser erben, die egenanten..den Burger-maister und den Rat der Stat zu wienn, und all Ir Nachkomen, der vorgemelten brief aller, und auch des Innhabens gantz und gar quit ledig und los, vor aller ansprach und vodrung ungevêrlich. Mit urchund des briefs besigelt mit der erbern, Ulreichs des Veldner, und Otten des Metznêr baid burger zu Wienn Aufgedrukchten Insigeln, Die Ich zugetzeugnuss der sach mit vleiss darumb ge-peten hab, In und Iren erben an schaden, darunder Ich mich fuer mich mein hausfrawn und all unser erben mit meinen trewn verbinde alles das stetzuhalten das vorgeschriben stet, wan Ich nicht Insigl hab. Geben zu Wienn an phintztag sand Philipps und sand Jacobs Abent apostolorum Anno domini etc. Tricesimo Nono.

Source Fulltext: Peter Peusquens