Ich Magnus Lahnêr und Ich Hanns Neytpergêr der Sneidêr baid burgêr ze Wienn Bechennen, das wir an heutigem tag dabey gewesen und darzue gepeten sein das fraw Elspeth Danieln des Hohenkirchêr hausfrau Ir haus und das Metrecht dorinn gelegen in der Wollzeil ze Wienn zunagst Wernharten des Schuerffen haus mit allem geschirr das zu dem Metsieden gehoeret, und auch die weinpress und wachspress auch mit Iren zugehorungen und all eysrein tuer und Gleser ledig und angehangen und all Gantnêr (?) und was zu demselben haus gehoeret, dem erbern Lienharten Lehenholtzêr amptman in der Schefstras zu Wienn Recht und redlichen zu ainem stêten chauf verchaufft und lediclichen zechauffen gegeben hat umb funfhundert und dreissig phunt wiennêr phenning das sprechen wir bey unsern trewn an aids stat ungevêrlich Und des geben wir In unser kuntschafft versiglt mit der erbern weisen Joergen des Aher und Hannsen des Ploedl baid burger ze Wienn aufgedrugkchtenn Insigeln, die wir zu getzeugnuess der sachen mit vleis darumb ge-peten haben In und Irn erben an schaden Dorunder wir mit unsern trewn bechennen alles des so vorgeschriben stet wann wir nicht aigen Insigl gehabt haben Geben ze Wienn an freytag vor sand Petronellen tag Anno domini etc. Tricesimo octavo

Source Fulltext: Peter Peusquens