Ich Niclas Radauner. Vergich und tuen kund offenlich mit dem brief. Vonwegen der Hundert Sechsundsechtzig phunt phening. So die Ersamen fuersichttigen und weisen mein genedig lieb herren..der Burgermaister und der Rat gemain der Stat ze Wienn von Niclasen des Newchun hauss wegen am Liechtensteg..desselben Newkun seligen nagsten erben schuldig sind, auch alle jar den selben erben davon ze dienn achtt phunt phening, Und wann dann desselben Newkun seligen erben und frewntschafft nymer sein, so ist denn die obgenant Summ phening, der Stat gantz ledig worden nach lautt ains geltbriefs darueber gegeben. Und wan aber mein mueter fraw Kathrei die Radawnerinn selige, desselben Newkun seligen Rechtten Swester Tochtter gewesen ist, und Ich yetz desselben Niclasen des Newkun also Rechtter und nagster erb bin, und den egenanten dienst ettliche zeit ingenomen, und mich nue von der Stat entsetzt hab, dadurich Ich den vorgenanten dienst jerlichen zu yeder Quottember fuegsamklich nicht aufheben noch beraichen hab muegen an grozze mue und zerung. davon so hab Ich willigklichen mein erbliche gerechtigkait, an der obgenanten Summ phening haubtguts und dienstes, den obgenanten meinn genedigen lieben herren..dem Burgermaister und dem Rat der Stat ze Wienn und allen Iren Nachkomen abzeloezen und ueber gegeben. Und gib In auch wissentlich mit kraft des brieffs, umb zwayunddreissig phunt phening, der Ich von In gantz ausgerichtt und betzalt bin, und sol auch Ich, noch nyemand von meinen wegen fuerbazer zu In darumb kain ansprach noch vordrung mer haben, weder mit Recht noch an Recht in kainerlayweys an alles gevêr. Mit urkund des brieffs Besigelt mit der erbern Erharten des Gibing und Kristann des Lasseêrn baid Burgêr ze Wienn anhangunden Insigeln, die Ich zu getzeugnuss der sachen mit vleizz darumb gepeten hab, In und Iren erben an schaden, dar-under Ich mich obgenanter Niclas Radawnêr mit meinen trewn verpinde alles das stêtzehaben, das an dem brief geschriben stet ungeverlich, wan Ich nicht aigen Insigel habe. Geben an sand Lucein tag Nach Kristi gepurd viertzehenhundert jar, darnach im Sibenunddreissigistem jare.

Source Fulltext: Peter Peusquens