useridguestuseridguestuseridguestERRORuseridguestuseridguestuseridguestuseridguestuseridguest
Charter: Seitenstetten, Benediktiner (1109-1738) 1378 XII 21
Signature: 1378 XII 21
Add bookmark
Edit charter (old editor)
Zoom image:
21. Dezember 1378, Seitenstetten
Ulrich der Gruber vermacht sein Zehenthaus im Weingarten zu einem Jahrtage für sich und zu einer täglichen Wandlungskerze in die Gusterei des Stiftes.
Source Regest: 
RAAB, Seitenstetten (=FRA II/33, Wien 1870) S. 274, Nr. 248
 

orig.

Current repository
Stiftsarchiv Seitenstetten (http://www.stift-seitenstetten.at)

Mit zwei Siegeln.
Material: Pergament
    Graphics: 
    x
    Ich Vllreich der Grueber vergich mit dem offenn prieff vnd tun chund allen lewten gegenwurtign vnd chumftign, dew in an sechent, lesent oder horent lesen, Daz ich mit wolbedachtem muet nach meyner pesten frevnt rat vnd besunderleich mit willn vnd gunst meyner liebn hawsvrawn Elspeten vnd aller meyner eribn, czu der czeit da ich ez mit gesunten leib, wol getun macht, vnd mit meynes genaedign lechn herren hant, gunst vnd willn Herrn Engelschalichs, dy czeit wirdiger abbt des Gotshaws cze Sytanstetn, mein czechent haws genant in dem weingartn vnd in Pyberpekcher pharr gelegen, daz ich vmb mein beraicz gut han gechaufft, hab gemacht vnd geschafft vnd gebn ledigleich nach meynem tod, durch meyner vnd meyner hawsvraw sel hail willn, czw dem liecht auf dy Gustrey gen Sytansteten in der beschaydenhait, daz ich daz selb czechent haws inn wil habn vnd nyezzen vnuerchumert an ee haft not, dew ich auz nim vncz an meynen tod. Dann wann ich nv abgen mit dem tod, so schol sich der Guster des ob genanten czechent haws vnderwinden vnd behaltn pey dem selbign ampt mit allen den ern, rechtn vnd nuczen, dy dar czu gehorent an irrung aller meyner eribn vnd frevnt in der weis, wer Guster ist, der schol taegleich in vnser vrawn Marie Chappellen czu der fruemess ir ze lob vnd czu dinst czu dem gewondleichem liecht ayn wandlung cherczen czu der wandlung in der fruemess staetleichn auf czunten vnd da pey allebeg habn. Vnd an welichem tag ich obgenanter Vllr. stirb, an dem selbign tag schol der Guster jaerleich meyner vnd meyner hawsvrawn vnd vnsrer vordern sel gedaechnuss mit ayner sellmess habn. Vnd daz daz gemaecht also der Gustrey vnd dem Gotshaws cze Sytansteten vnuerchert weleib, dar vber czu aynem warn sichtign vrchund der vorgeschribn sach gib ich offt genanter vllreich der Grueber dem obgenant Gotshaws cze Sytanstn. vnd der Gustrey den offenn prieff, der versigilt ist mit der erbern wolbeschaydn dyetreichs des czawhinger, dy czeit Richter cze Sytanstetn vnd mit Otten des peleiter czwayn anhangunden Insigiln, dy mit irn Insigln der sach geczevgen sind durch meynes vleizzigen pets willn in an schadn, wann ich aygns jnsigel nicht enhab, Hinder dew ich mich verpunden han pey meynen trewn, staet cze habn allez, daz obn an dem prief geschribn stet. Daz ist geschehn vnd der prief ist gebn cze Sytanstn do man czalt von vnsers herren Jesu Christi gepurd vber drewczechn hundert jar darnach in dem acht vnd Sybenczigistn jar, an sand Thomans tag des heylign czwelffpotn.
    Source Fulltext: RAAB, Seitenstetten (=FRA II/33, Wien 1870) S. 274-275

    Original dating clausean sand Thomans tag des heylign czwelffpotn



    LanguageDeutsch
    Places
    • Pfarre Biberbach (GB WY)
    • Seitenstetten, Benediktinerabtei
    Persons
    • Elisabeth, Ehefrau von Ulrich dem Gruber
    • Engelscalcus, Abt der Benediktinerabtei Seitenstetten (1355-1385)
    • Ulrich der Gruber, Aussteller
    x
    There are no annotations available for this image!
    The annotation you selected is not linked to a markup element!
    Related to:
    Content:
    Additional Description:
    A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.