Nos Einicho. dei gratia episcopus ecclesie frisingen. Notum esse volumus presentium inspectoribus vniuersis, quod in presencia nostra extra formam judicij. inter se honorabilis vir dominus Otto venerabilis abbas in Sytansteten pro monasterio suo ab una, et plebanus in Gestnich. pro sua plebe a parte altera ad inuicem disceptantes, super minutis decimis in parochia Gestnich, que plebano loci de hiis cederent annuatim, vtraque pars tanquam in compositores amicabiles compromisit in Magistrum Chunradum. Doctorem decretorum. Canonicum Ecclesie Mosburgen. et dominum Hainricum militem de winden. qui intellecta consuetudine utrisque secundum earum asserciones in ipsa plebe seruata circa percepciones decimarum, sic communiter statuerunt, quod plebanus. qui in Gestnich protempore fuerit. loco minutarum decimarum percipiat pacifice pullos. anseres. oua. caseos et fetus animalium. De aliis vero rebus. super quibus discordant adinuicem fabis videlicet. lino. bisis. papauere et ceteris consimilibus pronunciarunt, quod si res huiusmodi in parrochiis vicinis. Alhartsperch. Neunhouen. Aspach et Amsteten inter minutas decinias numerentur. plebanus in Gestnich de rebus ipsis, eciam decinias percipiat in futurum. Alioquin cum decimis maioribus vel minutis cedant monasterio in hiis locis. ubi ad ipsum majores noscuntur decime pertinere. Interim autem quoadusque coram decano Laureacen. facta fuerit plena fides de rebus supradictis. an aput parrochias. de quibus predictum est, computentur cum decimis maioribus uel minutis, quelibet pars in possessione perceptionis decimarum maiorum vel minorum, nullatenus molestetur, sed eas percipiat. ut confirmetur. Ad quorum euidenciam nostro sigillo presentes iussimus consignari. Datum in Waidhouen. Anno domini M°. CCC°. X°. in vigilia omnium sanctorum.

Source Fulltext: RAAB, Seitenstetten (=FRA II/33, Wien 1870) S. 144-145