Wir Thoman von Gottes genaden abbt zu Lambach bekennen mit dem brief, das fur uns komen ist Ulreich, Lewtleins auf dem Pachmansperg seligen sun, und hat mit wolbedachtem mut und gutem willen recht und redleichen verkaufft ain pewnt mit aller irer zugehorung, gelegen an dem Ordt auf dem Pachmansperg in Pachmanner pharr, genant die Perlachpewnt, Asem dem Sneider ze Pachmann [un]d allen sein erben umb ain sum gelts, der er ganntz und gar ausgerichtt und beczalt worden ist zu rechtten tagen an allen s[chad]en. Also haben wir im, dem yetz benanten Asem und allen sein eriben die benanten pewntem mit aller irer zugehorung zu rechttem kauf und eribrecht bestett und verlichen, was wir in rechtleichen daran bestetten und verleichen sulln oder mugen, doch daz man uns und unserm gotshaus all jar jarleich davon raichen und dienen sol zu unser lieben frawntag der dienstzeit dreyzechen Wienner phenning. Es ist auch der obgemellt Ulreich und all sein eriben der benanten pewnten mit aller irer zugehorung des benanten Asem und aller seiner eriben rechtt gwern und furstanndt fur all rechtleichew ansprach, wo und wann in des not und durfft beschiecht mit dem rechten, als dann soleich kaufs und eribrechts und lanndes ob der Enns recht ist. Wir offen auch, das sy kainerlay wanndlung damit nicht haben sulln in kainerlay weis an unser hanndt und gutem willn, und sulln uns auch alles das davon leyden und dulden, daz annder unsers gotshawss erbler gein uns leydent und duldent unverczigen unsers gotshauss rechten in allen sachen. Ze urkund geben wir in des also den offenn brief, besigeltem mit unserm anhanngundem insigel. Geben als man zalt nach Kristi gepurd in dem vierczechenhundertundzwainundvierczigisten jaren an phintztag in vigilia Andree apostoli.