In nomine Domini, amen. Anno a nativitate eiusdem millesimo quadringentesimo quadragesimo secundo, indiccione quinta, die vero iovis decima septima mensis maii post meridiem, sacrosancta Basiliensi sinodo durante, ac serenissimo et invictissimo principe et domino domno Friderico, Romanorum rege semper augusto, Austrie et Stirie etc. duce regnante, in mei notarii publici ac testium infrascriptorum ad hec specialiter vocatorum et rogatorum presencia, personaliter constitutus venerabilis vir, domnus Wilhelmus Tatz, canonicus Frisingensis, prefati domni nostri regis prothonotarius, omnibus melioribus modo, via, iure, causa et forma, quibus melius et efficacius potuit et debuit, fecit, constituit, creavit et solenniter ordinavit suos veros, certos, legitimos et indubitatos procuratores, actores, factores et negociorum suorum infrascriptorum gestores ac nuncios speciales et generales, ita tamen quod specialitas generalitati non deroget nec econtra. Videlicet venerabiles, egregios ac honorabiles et discretos viros, magistros et dominos Thomam, abbatem monasterii Lambacensis, fratrem Michaelem, priorem ibidem, Dietmarum, doctorem in medicinis, Conradem Bladegk, licenciatum in decretis, canonicos Patavienses, Johannem Aichelperger, licenciatum in decretis, Casparem Czener in Prugk, Georgium Elrichshauser, sancti Georgii in Atergew, parrochialium ecclesiarum Pataviensis diocesis rectores, Leonardum Kirchmair in Schirfling, Ulricum in Seewalhen, Johannem pronunc in Aussee et Leonardum Jud in Halstat, Pataviensis diocesis parrochialium ecclesiarum vicarios, absentes tamquam presentes, et quemlibet eorum insolidum, ita tamen quod non sit melior condicio occupantis nec deterior subsequentis, sed quod unus ipsorum inceperit, alter ipsorum id prosequi valeat mediare et finire. Ad prosequendum et exequendum quendam pro dicti domno constituens et eius nomine quasdam Romanas regias primariarum preces, ipsi domno constituens per prefatum domnum regem ad collacionem abbatisse et conventus monasterii sanctimonialium in Trawnkirchen, Pataviensis diocesis, pro beneficio ecclesiastico cum cura vel sine cura, graciose datas, factas et concessas. Ipsasque preces necnon literas desuper confectas et a Romana regia maiestate emanatas dictis abbatisse et conventui ac aliis, quorum interesse poterit, intimandum, insinuandum et notificandum. Ipsam seque monendum et requirendum, quatenus ad execucionem huiusmodi precum et literarum procedant secundum ipsarum continenciam, tenorem et effectum. Necnon beneficium quodcunque prefato domno constituens vigore huiusmodi precum debitum et debendum acceptandum, sibique de eodem nomine procuratoris quo supra provideri et se presentari faciendas literas necessarias desuper impetrandum. Ac se post presentacionem huiusmodi ab ordinario loci ad id institui et investiri, possessionemque realem, corporalem et actualem huiusmodi poni et induci ac inductos defendi petendum, faciendum et obtinendum. Fructus, redditus et proventus eiusdem beneficii percipiendum, nancistendum, necnon ipsos unacum possessione intrandum, manutenendum, regendum et gubernandum. Ipsos fructus arrendandum, locandum et dislocandum ac ad firmam se annuam pensionem dandum et concedendum, cum pactis et obligacionibus in talibus necessariis solitis et sic constitutis, desuper quittandum et solvendum, litteras quittacionis dandum et patrandum. Et si necesse fuerit, accisione premissorum in quibuscunque curiis spiritualibus ac secularibus et eorum iudicibus ac ordinariis, extraordinariis, legatis, subdelegatis et commissariis quibuscunque nomine dicti domni constituendum, comparendum et agendum. Ipsumque et eius iura defendendum, libellum seu libellos et quascunque peticiones summarias dandum et offerendum, darique et offerri videndum. De calumpnia vitanda et veritate dicenda, cum omnibus et singulis suis clausulis necessariis, iurandum, ponendum et articulandum ponique et articulari videndum. Posicionibus et articulis partis adverse respondendum, contradicendum, replicandum, duplicandum, triplicandum et quadruplicandum. Testes producendum, ex adverso perductis impungnandum, iura, munimenta, literas, privilegia et quecunque pro defensione cause huiusmodi necessaria exhibendum, ac ex adverso exhibitis contradicendum. Declarandum et declarari videndum, omnes terminos substanciales servari solitas in curiis huiusmodi tenendum et observandum, usque ad prolacionem sentencie diffinitive inclusive. Sentenciam et sentencias tam interlocutorum quasi diffinitivas ferri petendum et audiendum, ac ab ea seu ipdis provocandum et appellandum. Apelatos semel et plures petendum ipsosque appellaciones intimandum, insinuandum et notificandum. Expensas taxari, earum solucionem exhiberi petendum, desuper quittandum et quittaciones necessarias concedendum. Literas quascunque, tam graciam quam iusticiam in se continentes, impetrandum. Unumquoque vel plures procurentes seu procurens loco sui substituendum eumque vel eis revocandum et onus seu officium procuratoris huiusmodi in se sponte reassumendum tociens quociens fuerit oportunum et generaliter omnia alia et singula facendum, gerendum exercendum et procurandum que in premissis et circa ea necessaria fuerint seu quemlibet oportuna et que ipsem et domnus constituens faceret et facere posset si premissis personaliter interesset eciam si forent talia, que mandatum exigerent magis speciale quam presentibus est expressum, promittens nichilominus dictus domnus constituens michi notario publico subscripto rite et legitime stipulandum et recipiendum, se ratum, gratum atque firmum perpetuo habiturum totum id et quitquid per dictos suos procuratores et substituendos ab eisdem aut alterorum ipsorum actum, factem, dictum, gestumve procuratum fuerit in premissis, et quolibet premissorum sub ypoteca et obligacione omnium bonorum suorum presenccium et futurorum, super quibus omnibus et singulis premissis dictus domnus constituens peciit sibi per me notarium publicum infrascriptum unum vel plura publicum seu publica fieri instrumenta. Acta sunt hec in opido Nurembergensi, Bambergensis diocesis, in domo habitacionis civis nuncupati Elbanger, in qua pro tunc tenebatur cancellaria Romana regia, sub anno, indiccione, die, mense, hora et aliis quibus supra, presentibus ibidem venerabilibus et discretis viris, domnis magistro Ulrico Sunnenperger, licenciato in decretis, Hermanno Hecht et Johanne Serentiner, prothonotariis et notario regiis, testibus ad premissa vocatis specialiter et rogatis.

Ego, Martinus Mospeck, clericus Pataviensis diocesis, publicus imperiali auctoritate notarius, quia dictorum procuratorum constitucioni, potestatis dacioni omnibusque aliis et singulis premissis, dum sic ut premittitur fierent et agerentur, unacum prenominatis testibus presens interfui, eaque sic fieri vidi et audivi, ideoque presens publicum instrumentum manuque propria mea scriptum exinde confeci, subscripsi, signoque et nomine meis solitis signavi, rogatus et requisitus in fidem et testimonium omnium premissorum.