Ich Mertt Haunolt bekenn fur mich und all mein eriben, daz ich zw meines hern gnaden abt Toman zw Lambach komen pin und hab in gepeten, daz er mir ruech zw leihen in eribweis ain wisen, genant der Newfang mit aller irer zugehorung zw nidern Loch pey dem Grunpach in Welsser pfar, die dan vormalln mein prueder Hans und Jorig die Hawnolten in eribsweis ze lehen genomen haben von dem gotczhaus zu Lambach, die selben wisen mit aller irer zugehorung mit rechter tailung in mein gewalt gesprochen und gevallen ist und mir meins hern gnaden nicht leihen welt, und mainet, ez hieten mein prueder zw lehen genomen, dew selb lehenschaft sew nicht aufgeben hieten, doch seint dymaln die wisen mit tailung nw an mich gelangt, hiet, so welt er mir leihen in solher beschaiden, damit ich meins hern gnaden und dem gotczhaws mit ainem brief ain versorgnuss tat, damit daz er und daz gotczhaus hinfur von meinen pruedern und iren eriben von der lehenschaft wegen an spruch war, dez ich mich also verwilligt hab und verschreib mich auch dez mit dem gegenburtigen brif also, ob daz war, daz das gotczhaus furbas von meinen pruedern oder iren eriben von der lehenschaft wegen indert in schaden kom, wie derselb schad genant oder gehaissen wurd, denselben schaden allen wil ich dem gotczhaus gancz abtragen, und sullen auch daz haben und bekomen zw mir, meinen trewen und auf allem meinem gut, wo ich daz inndert hab, gewin oder hinder mein lass ungeverlich. Auch schikch ich ewrn gnaden die lehenschaft widerumb auf mit dem gegenburtigen schreiben und pit, ewer gnad well dieselben lehen in eribweis verrer leihen der erbern frawn Elspeten, Hannsen des Zinespon saligen witib, daz will ich willichleich umb ewer gnad verdien und gib auch dez alles zu urchund meinem genadigen hern abt Toman zw Lambach und dem gotczhaws den offen brif mit der erbern und weyssen Ullreich dez Ayher purger czw Wels und Mertten des Kranfues mit ir paider aufgedrugkchten insigeln, dew ich obgenanter Mert Hawnolt mit vleiss darumb gepeten hab, in und iren eriben an schaden, darunder ich mich und fur all mein eriben verpind mit meinen trewen in aidesweis allez daz war und stat zw halden, so an dem brif geschriben stet, der geben ist do man zalt von Christy gepurd vierczehenhundert und in dem czwayundvierczigisten jar an sand Florianstag.