useridguestuseridguestuseridguestERRORuseridguestuseridguestuseridguestuseridguestuseridguest
Charter: Urkunden (992-1600) 1441 XII 12
Signature: 1441 XII 12
Zoom image:
Add bookmark
Edit charter (old editor)
12. Dezember 1441
Hans Weismann reversirt dem Abte v. Lambach ein Ort aus der halben Wiese aus der niederen halben Hube zu Ulräting (Urhorting), Pfre Wimsbach ob der Moosgassen.
Source Regest: 
OÖLA, Kopienarchiv, HS 66, Lambacher Urkundenregesten 992-1444, S. 209 Nr. 1044
 

orig.

Current repository
Stiftsarchiv Lambach (www.stift-lambach.at)

2 aufgedrückte Siegel
Material: Papier
  • rubrum
    • Uber ain wiz bey der Mosgassen anno 1441

      Emit pro xvi tal. den.

Graphics: 

cop.
Codex Archivi 7, fol. 224b
    x

    Ich Hanns Weisman zu Ellenchaym vergich fur mich, mein hawsfrawn Anna, und fur all unser eriben offennleichen mit dem brief aller meinkleichen, den er furkumbt zu horen oder zu lesen, als uns unser lieber geswey Lienhart Guldein ain ordt mit aller zugehorung, also es yetz mit marichen umbfanngen ist, aus der halben wisen, die in dy niderhalb hueb zu Ulrating gehort ob der Mosgassen, gelegen in Widemspekcher pharr ist und stozzt niden an des Mulbannger aschpan, ze kauffen gegeben hat nach innhaltung des kaufbriefs, uns von in daruber gegeben, und bestett worden ist mit des erwirdigen geistleichen unsers genadigen lieben herren abbt Thomann zu Lambach nach gwonhait seins benanten gotshawss, glob und versprich ich obgemeltter Hanns fur mich, mein benantew hawsfrawn und all unser eriben, das wir und wer das benant ordt mit seiner zugehorung aus der gemeltten halben wisen innhat, trewleichen innhaben, nutzen und niessen sulln und welln und dem benanten erwirdigen gotshaws nicht emphromden, auch hinder kain annderew herrschaft nicht ziechen, sunder dem benanten erwirdigen geistleichen, unserm genadigen lieben herrn, seinem gotshaws und nachkomen davon raichen und dienn all jar jarleichen zu unser lieben frawntag der dienst achtt Wienner phening, auch mit irem wissen und willen und gunst damit hanndeln und in auch trewe, gehorsam und gwerttig damit sein, und auch alles daz gein in leyden und dulden, das annder des benanten gotshawss eribler gein in leydent und duldent. Ze urkund der vorberurten unser glub und hanndlung geben wir des also den offenn brief, besigeltem mit der edeln, weisen Erharten Paiszen und Jorigen des Treitelkover zu Praitenaw baider aufgedrukchten insigeln, die ich obgemeltter Hanns Weisman mit vleiss darumb gebeten hab, in und allen irn baiden eriben an schaden, under der benanten insigeln ich mich egemelter Hanns Weisman fur mich, mein benantew hawsfrawn und fur all unser eriben verpind mit mein trewn in aides weys alles das war und stet zu halden und volfurn, das an dem brief geschriben stet, der geben ist als man zalt nach Kristi in dem vierczechenhundert und ainsundvierczigisten jaren an eritag vor sannd Luceintag der heiligen junkchfrawn.

     
    x
    There are no annotations available for this image!
    The annotation you selected is not linked to a markup element!
    Related to:
    Content:
    Additional Description:
    A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.