Dem erwirdigen geistleichen herren hern Thoman abbt ze Lambach, meinem genedigen lieben herren, embeut ich Herman Durrhoff purger zu dem Behaymischen Budweis mein willig gehorsam diennst. Ich hab verchauft und ze chauffen geben Hannsen dem Schilling, purger zw Wels, halben tail an halber wisen, genant die Furtwis, und halben tail an halber pewnten dabey bey dem Grunpach, alles gelegen in Wellsser pharr, so mir von eurn genaden bestett sein. Dieselben mein gerechtichait gib ich euren genaden widerumb auf mit dem brief, und bitt eur genad in sunderm vleis, ir wellet den halben tail an der vorgenanten halben wisen und halben tail an der halben pewnten dem egenanten Schilling und sein eriben verleichen und zw chauff bestetten noch eurs goczhaws gewonhait und rechten, das ist mein gutleicher will und wert. Und wil auch das gern umb eur genad [ver]dienn und sennd euren genaden darauf den brief mit meinem auf[ge]drukchten petschaft. Und zu geczeugnucz hab ich mit vleis gep[eten] den erbern und weysen Paulsen den Erdinger purger zw Wels [das] er sein insigel auf den brief gedrukcht hat, im und sein eriben an schaden. Geben am mantag nach dem auffertag anno etc. xl.