Dem erwirdigen gaistleichen herren herrn Thoman abtt zu Lambach enpewten wir Hanns, Steffan, Marigreth, Agnes, Hanns, Katherina, Clara, Dorothea und Magdolena, geswistred, Hannsen des Lochner saligen kinder, unser gehorsam und diennst. Gnadiger und lieber herr, es kumpt zu euch unser bruder Wolffgang mit vollem gwalt, den wir im geben und wirt an euch pegern im zu verleichen ain gut zu Oberpuchleiten, das da ist lehen von ewrm goczhaws, pit wir euch vleissichleich, ir welt im das also verleichen alls unserm getrewn lehentrager und vorgeer. Zu zegnuss geben wir ewrn gnaden den offen brief versigelten mit der erbern und weisen Micheln Rewthaimer, statrichter zu Vegklaprugk, und Steffan Veldhaimer, eines des rats und purger daselbs, furgedrugkchten insigel, in und irn eriben an schaden. Geben an sand Juliantag anno etc. tricesimo octavo.