Wir Albrecht von Gotes gnaden Romischer kunig, zu allen zeiten merer des reichs, ze Hungern, ze Behem, Dalmacien, Croacien etc. kunig und hertzog ze Osterreich etc. embieten unsern getrewn n. allen unsern mauttern und amptleuten, den der brief geczaigt wirt, unser gnad und alles gut. Wir emphelhen ew und wellen ernstleich, daz ir den erbern und geistleichen n. den klosterlewten zu Lambach zu irer und derselben irs gotshawss speisung und notdurft diczs gegenwurtigen jars zwenunddreyssig dreyling weins an allen unsern mautsteten lasset mautfrey und an all ander irrung und hindernuss furfurn, als man in die vor andere jar auch hat gefurt nach irer brief sag, daran tut ir unsern willen. Geben an freytag vor sant Matheustag des zwelfpoten anno etc. tricesimooctavo unseres reich des Romischen, ze Hungern und ze Behem etc. im ersten jar under unserm insigil, das wir in unserm furstentum Osterreich geprawhen.

L. ...