Wir Thaman von Gottes genadn abbtt ze Lambach bekennen mit dem brief, das fur uns komen ist Andre Czymerman von M[uheln]dorf und hat uns underweist mit briefleicher urkund und mit frumer erbern lewten, wie er sannd Jorigenperg in Kirichdorffer pfarr gelegen, der eribrecht ist von uns und unserm gotshaus, kawfleich in sein gwaltsem bracht hab von Kathrein, Ulreichen des Wolfler seligen tachtter und bat uns fleissig, daz wir im und alln sein erbn den gemelttn perg mit seinen zugehorungen geruchten zu bestetn und verleichn, das wir also getan haben, bestettn und verleichen im den yetz gemeltten Andre und alln sein erben den benanten perig mit seinen zugehorungen wissentleichen mit kraft des briefs, was wir in rechtleichen daran bestettn und verleichen sullen oder mugen in der beschaiden, das man uns und unserm gotshaws all jar jarleichen davon raichen und dienn sol zu unser lieben frawntag der dienstzeit drey Wienner pfennig. Wir melden auch, das sy kainerlay wanndlung damit nicht haben sullen in kainerlay weis an unser hanndt und gutm willen, und sulln uns auch alles das davon leyden und dulden, das annder unsers gotshawss erbler gein uns leydent und duldent unverczigen unsers gotshaus rechten in allen sachen. Ze urkund geben wir in des also den offen brief, besigeltn mit unserm anhanngunnden insigel. Geben als man zalt nach Kristi geburde in dem vierczechenhundertundachttunddreissigisten jaren am mantag nach allerheiligentag.