OÖLA, Kopienarchiv, HS 66, Lambacher Urkundenregesten 992-1444, S. 172 Nr. 857, Vorname korrigiert durch JL, 31.8.2023
Current repository:
Stiftsarchiv Lambach (www.stift-lambach.at)
Hängesiegel fehlt
Material: Pergament
Julianus miseratione divina sancte Romane ecclesie sancti Angeli dyaconus cardinalis, per Germaniam apostolice sedis legatus, dilectis nobis in Christo n. abbati et conventui monasterii in Lambach ordinis sancti Benedicti Pataviensis diocesis salutem in Domino sempiternam. Benigno sunt illa vobis concedenda favore, per que sicuti pie desiderare videmini consciencie pacem et animarum vestrarum salutem Deo propitio consequi valeatis, hinc est quod nos vestris supplicacionibus favorabiliter inclinati, tibi abbati monasterii in Lambach antedicto et cuilibet religioso tui ordinis quem ad hoc ydoneum duxeris eligendum, ut tuo ac quorumcunque monachorum tam professorum quam noviciorum tui monasterii, qui pro tempore fuerint confessionibus diligenter auditis, pro commissis singulis absolucionis beneficium impendere et penitenciam iniungere valeat salutarem nisi talia forent propter que sedes apostolica merito esset consulenda tenore presencium indulgemus presentibus nostre legacionis tempore duraturis. Datum Basilee die vicesimanona maii anno Domini millesimoquadringentesimotricesimoquarto indicione duodecima pontificatus sanctissimi in Christo patris et domini nostri domini Eugenii divina providencia pape quarti anno quarto.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}